- يناير 24, 2026
- by admin
- في تجميل وترميم
- لا توجد تعليقات بعد
شبابك ما ضاع.. هو بس “نازل” لتحت!
دليلك لفهم تقنية الـ Deep Plane Facelift في الأردن بلسان المستشار “أبو عون”
أهلاً بكم.. أغلب اللي براجعونا بـ JOMEDIX، خصوصاً حبايبنا من السعودية والخليج، بكون عندهم نفس الخوف: “يا أبو عون، بدي أصغر بس ما بدي وجهي يبين مشدود زيادة كأني طالع من نفق هواء!”
حقكم تخافوا، لأنه الشد القديم كان فعلاً بيغير الملامح. بس اليوم، الدنيا اتطورت، وصار عنا “الشد العميق” أو الـ Deep Plane. تعالوا أحكيكم شو الفرق ببساطة.
الشد القديم (زي شد الشرشف)
تخيل لو عندك شرشف مكرمش على تخت.. لو شديت أطرافه بقوة، رح ينعم بس الأطراف رح تنمزع مع الوقت! هاد هو الشد القديم؛ بنشد الجلد بس، وبضل الوجه “مسطح” والنتائج ما بتطول.
الشد العميق (إعادة ترتيب الأساس)
هون إحنا ما بنشد الجلد؛ إحنا بنروح للأساس (العضلات والدهون اللي نزلت مع العمر) وبنرفعها لمكانها الأصلي. الجلد هون برجع يرتاح فوقها “براحته” بدون أي سحب. النتيجة؟ وجهك الحقيقي بس قبل 15 سنة!
ليش الـ Deep Plane هو الخيار الصح إلك؟
السر كله في “الأربطة”. الوجه فيه أربطة بتمسك الأنسجة، ومع العمر بتترخى فبينزل الخد وبطلع “اللغلوغ”. في عملية الـ Deep Plane Facelift، الجراح بحرر هاي الأربطة وبرفع الكتلة كاملة (خد، فك، ورقبة) كأنها قطعة وحدة.
- جمال طبيعي: عيونك ما رح “تنسحب” ولا ثمك رح يتغير شكله.
- خط فك حاد: برجعلك الفك المرسوم اللي الكل بحلم فيه.
- عمر أطول: بما إننا اشتغلنا عالأساس مش عالجلد، النتيجة بتضل معك فوق الـ 15 سنة.
يمكن الفيديو اريحلكم من القراءه.. (فيديو ريل)
هون بشرحلكم كيف ملامح الوجه بترجع بتترتب وبترتفع بشكل مذهل
رسالة خاصة لأهلنا في السعودية والخليج 🇸🇦🇰🇼🇦🇪
إحنا بنعرف إنكم بتدوروا على “التميز” و “الخصوصية”. في الأردن، صرنا الوجهة الأولى لهاد النوع من العمليات الصعبة لأن جراحينا عالميين، والخدمة عنا “خمس نجوم”. من المطار لغاية ما ترجع بالسلامة، إحنا بـ JOMEDIX بنكون معك خطوة بخطوة.
“جمالك أمانة عنا، وبدنا ياكي تطلعي من عمان وانتي راضية 100%”
جاهزة للخطوة الجاية؟
تواصلوا معي أنا “أبو عون” مباشرة عشان أرتبلكم كل التفاصيل ونشوف شو الأنسب لحالتكم.
